Այսօր հրավիրված արտահերթ նստաշրջանի օրակարգում մեկ հարց է՝ Սևանի լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագիրը հաստատելու մասին ՀՀ օրենքում լրացումներ կատարելու մասին օրենքի նախագիծը առաջին ընթերցմամբ ընդունելու մասին հարցը:
Հարցի առնչությամբ հանդես եկավ ՀՀ էներգետիկ ենթակառուցվածքների և բնական պաշարների նախարարության Ջրային տնտեսության պետական կոմիտեի նախագահ Արսեն Հարությունյանը: Նրա խոսքով՝ չրագիրն անցել է քննարկման բոլոր փուլերը:
Հայաստանի կառավարությունը ԱԺ-ին ներկայացրած օրենքի նախագծով առաջարկում է օրենքում կատարել լրացումներ, որոնք օրենքով ամրագրված Սևանի ջրառի առավելագույն չափաքանակը 170 մլն խոնարդ մետրի փոխարեն 2017 թվականի համար սահմանել մինչև 270 մլն խմ:
ԱԺ «Ծառուկյան» խմբակցության պատգամավոր Նաիրա Զոհրաբյանի խոսքով՝ սա բացարձակապես չի լուծում ձեր ներկայացրած խնդիրը գյուղացիների ոռոգման խնդիրը: Կարծես էստեղից-էնտեղից հիմնավորումներ լինեն. «Հստա՛կ ձևակերպեք խնդիրը, որպեսզի խորհրդարանը կողմնորոշվի, թե ինչպես է քվեարկելու»:
Ի պատասխան Արսեն Հարությունյանն ասաց. «Սևանա լճից ջրի հավելյալ քանակի բացթողնումը կարող է էկոհամակարգի վրա ազդեցություն թողնել»:
