«Ժառանգություն» կուսակցության նախագահ Րաֆֆի Հովհաննիսյանն այսօր լրագրողների հետ հանդիպմանը խոստովանեց, որ շատ մեղքեր ունի։
«Ես շատ մեղքեր ունեմ, շատ եմ ուտում, շատ եմ խմում, ժպտում ու սիրում, այսօր Արմենուհու ու իմ ամուսնության 32-րդ տարեդարձն է, մարդիկ ինձ մոտենում ու ասում են՝ «ինչ զոհողություն արեցիր, Հայաստան եկար 27 տարի առաջ, երբ կարող էիր փաստաբան լինել, Խաղաղ օվկաինոսի վրա մեծ վիլլա ունենալ», – ասաց Րաֆֆի Հովհաննիսյանը՝ հավելելով, որ հիմնական զոհողություն կրողն Արմենուհին է։
Հովհաննիսյանը նշեց, որ Վարդաշենում ծնված Արմենուհին 10 տարեկանում Ամերիկա է գնացել, որ նորմալ կյանք ունենա, սակայն իր հետ ամուսնանալու սխալ հաշվարկի արդյունքում վերադարձել է Հայաստան։
Լուսանկարը՝ Photolure-ի
