ԱՄՆ նախագահ Դոնալդ Թրամփի վարչակազմն աշխատաքի առաջին օրերին մտադիր է եղել հանել պատժամիջոցները Ռուսաստանի վրայից, սակայն հին վարչակազմի անդամներն ու Պետդեպի աշխատողները խոչընդոտել են դրան։ Այս մասին հայտնում է Yahoo News-ը՝ հղում անելով իրազեկ աղբյուրներին։
Պորտալի տվյալներով՝ Սպիտակ տուն գալուց անմիջապես հետո նոր վարչակազմը հանձնարարել է Պետդեպին մշակել Ռուսաստանից տնտեսական պատժամիջոցների հանման և դիվանագիտական գույքի վերադարձման առաջարկներ։ Սակայն Պետդեպի որոշ աշխատակիցներ, ովքեր չեն աջակցել նման որոշմանը, դիմել են Կոնգրեսին՝ օրենք ընդունելու խնդրանքով, որը կարգելափակի պատժամիջոցների հնարավոր վերացումը։
Արտաքին քաղաքական գերատեսչության նախկին աշխատակից Դեն Ֆրայեդը, ով զբաղվել է պատժամիջոցների հարցերով, պատմել է, որ այդ պահին ստացել է բազմաթիվ զանգեր՝ նոր վարչակազմի գործողություններին խոչընդոտելու խնդրանքով։ Դրանց հետո ինքը խնդրել է Կոնգրեսին մշակել և ընդունել օրինագիծ՝ ընդդեմ պատժամիջոցների հանման։ Արդեն փետրվարի 7-ին սենատորներ Բեն Կարդինն ու Լինդսի Գրեմը ներկայացրել են անհրաժեշտ փաստաթուղթը։
