Կոտայքի մարզի ընդհանուր իրավասության դատարանի Աբովյանի նստավայրում Յուրի Բաղդասարյանի նախագահությամբ ավարտվել է Ազատուհի Բաղդասարյանի գործի դատական քննությունը:
Հրազդան քաղաքի 39-ամյա բնակչուհի Ազատուհին 2002- 2012 թթ. ընկած ժամանակահատվածում Կոտայքի մարզի բժշկասոցիալական փորձաքննության հանձնաժողովի բուժվիճակագիրն է եղել:
Նա դատական ակտով մեղավոր է ճանաչվել այն բանի համար, որ լինելով պաշտոնատար անձ ու հանրային ծառայող չհանդիսացող, պայմանագրային հիմունքներով տեխնիկական սպասարկում իրականացնող անձ, որևէ ազդեցություն չունենալով հանձնաժողովի կողմից որոշում կայացնելու հարցում՝ 2012 թվականի դեկտեմբերի 13-ին քաղաքացի Շ. Մակոյանին հավաստիացրել է, իբր՝ կարող է կարգավորել հանձնաժողովի կողմից նրա մայրիկին հաշմանդամության երրորդ կարգ հատկացնելու հարցը: Խարդախությամբ, կաշառք ստանալու պատրվակով Ազատուհին Մակոյանից պահանջել և նույն օրը ստացել է 40 հազար դրամ, որից անմիջապես հետո բռնվել է ԱԱԾ աշխատակիցների կողմից:
Գործը քննվել է արագացված կարգով:
Ազատուհի Բաղդասարյանը դատապարտվել է 500 հազար դրամ տուգանքի:
