Վրաստանում Եվրամիության ներկայացուցչության ղեկավար Յանոշ Հերմանին կանչել են ԱԳՆ Հարավային Կովկասի հարցերով ԵՄ-ի հատուկ ներկայացուցիչ Հերբերտ Զալբերի հայտարարության պատճառով, որը նա արել է Ցխինվալում: Այս մասին հաղորդում է «Նովոստի-Գրուզիա»-ն՝ վկայակոչելով ԱԳՆ-ի մամուլի ծառայությունը:
Հերմանի հետ հանդիպելու է Վրաստանի ԱԳ փոխնախար Դավիդ Դոնդուան: Զալբերը Վրաստանի իշխանությունների վերահսկողության տակ չգտնվող Ցխինվալի շրջան կատարած այցի ընթացքում շնորհավորել է Անատոլի Բիբիլովին նախագահական ընտրություններում հաղթանակի կապակցությամբ, որն անցկացվել է ապրիլին: Այցի տեսաձայնագրությունը ցուցադրվել է վրացական հեռուստաալիքներով:
«Առաջին հերթին ցանկանում եմ շնորհավորել ձեզ ընտրությունների արդյունքների կապակցությամբ, որոնք վերջերս են անցկացվել այստեղ, ինչպես նաև ցանկանում եմ շնորհավորել շատ կարևոր այդ պաշտոնում աշխատանքի մեկնարկի կապակցությամբ»,-ասել է Զալբերը Բիբիլովի հետ հանդիպմանը:
