Վախթանգ Կիկաբիձեն հերթական անգամ հրաժարվել է ելույթ ունենալ Ռուսաստանում: Երգիչը հայտարարել է, որ չի պատրաստվում մասնակցել «Մենք միասնական ենք» տոնական համերգին, որը պետք է տեղի ունենա Կրեմլի պետական պալատում՝ 2013թ. նոյեմբերի 4-ին:
«Ի՞նչ եմ կորցրել Կրեմլում: Ինձ հրավիրում են, սակայն որտե՞ղ եք դուք լսել, որ ես գնամ: Չեմ ուզում ու չեմ պատրաստվում այնտեղ գնալ»,- ասել է Կիկաբիձեն «Առաջին ռադիոյի» եթերում՝ հաղորդում է «Գրուզիա օնլայնը»:
Դերասանը իրականում ժամանակին է ստացել միջոցառմանը մասնակցելու հրավերը: «Դուք արժանացել եք վստահության և Ռուսաստանի ու այլ երկրների քաղաքացիների հարգանքին»,-ասվում է կազմակերպիչների՝ Կիկաբիձեին ուղղված նամակում:
Իր 75-ամյակի նախօրեին, որը երգիչը տոնել էր հուլիսին, Կիկաբիձեն խոստովանել է, որ կարող էր գնալ Ռուսաստան, եթե իր ներկայությունը «ինչ-որ բան փոխեր» Մոսկվայի ու Թբիլիսիի հարաբերություններում:
Նա դադարեցրել է իր ելույթները Ռուսաստանում Վրաստանի հետ 2008թ. օգոստոսի պատերազմից և Ռուսաստանի կողմից Աբխազիայի ու Հարավային Օսեթիայի անկախության ճանաչումից հետո:
Կրեմլում համերգի կազմակերպիչները հայտարարել են, որ համերգը հետապնդում է Վլադիմիր Պուտինի ծրագրային հարթակի շուրջ քաղաքացիական ներուժի համախմբում:
