ԿԸՀ նախագահ Տիգրան Մուկուչյանը հայտարարել է, որ «Ծառուկյան» դաշինքի կողմից մանդատից հրաժարված 23 թեկնածուներից 11-ը ինքնաբացարկից հրաժարվելու դիմումներ են ներկայացրել և ցանկանում են ստանալ իրենց մանդատները: Մուշեղ Սաղաթելյանը նարնց թվում է:
Երկու ամիս առաջ, երբ փաստաթղթերը հանձնում էինք, փաստաթղթեր էին ստորագրել տալիս, այդ փաստաթղթերը շտաբում բոլոր թեկնածուները հավաքված ստորագրում էին, պարզվում է, որ եղել է նաև մի թղթի կտոր, որ պարզ էլ չէր, թե ինչ էր գրված: Այս մասին, այսօր՝ մայիսի 3-ին, ԿԸՀ նիստից հետո լրագրողների հետ զրույցում նշել է «Ծառուկյան» դաշինքի թեկնածու Մուշեղ Սաղաթելյանը և հավելել. «Սստորագրություն ես դրել՝ չգիտենալով, որ… երեւի… ես դեռ չգիտեմ, բովանդակություն չկար, գրած էր միայն 90 հոդված: Դատարանը կորոշի: Հիմա նույնիսկ եթե դա կա, պահանջում ենք չեղյալ համարել»,-հայտարարեց նա:
Դիտարկմանը, որ փաստորենիրենց խաբել են, նա արձագանքեց. «Մինչև չպարզաբանեմ, չեմ կարող կարծիք ասել որև մեկի վերաբերյալ: Ինձ չեն կանչել, չեն զգուշացրել: Դա միայն Ծառուկյանից չի կախված»:
Նրա խոսքով՝ ոչ միայն «Ծառուկյան» դաշինքից, այլեւ բոլոր մյուս թեկնածուներն ունեին գրված այդպիսի «սատանայական թուղթ, որպեսզի հետագայում ոնց ցանկանան, քեզ դեմ տան»:
Հարցին, թե մտավախություն չունեք, որ ձեր նկատմամբ ճնշումներ կլինեն, որ հրաժարվեք մանդատից, Սաղաթելյանը պատասխանեց. «Էս տարիքիս պետք է վախենա՞մ»:
