ԱՄՆ-ը ռազմական տեխնիկա է ուղարկել Սիրիայի քրդերի պաշտպանական ուժերին՝ հայտնում է թուրքական Haberler-ը:
Սիրիայի քրդերի պաշտպանական ուժերն այդ զրահատեխնիկան ապրիլի 28-ին կիրառել են թուրքական ԶՈՒ հարվածներից պաշտպանվելու նպատակով:
Թուրքիայի զինված ուժերի գլխավոր շտաբը հայտնել էր ապրիլի 28-ին Թուրքիայի հարավ-արևելքում` Շանլըուրֆա նահանգում, Սիրիայի քրդերի դիրքերին հարվածներ հասցնելու մասին:
Քրդական պաշտպանական ուժերի դիրքերին Թուրքիայի ԶՈՒ հասցրած հարվածների հետևանքով զոհվել էր 18 քուրդ:
Հիշեցնենք, որ Սիրիայի արտաքին գործերի նախարարությունը, 2017թ-ի փետրվարին և ապրիլի 26-ին խստորեն դատապարտելով Սիրիայի տարածքում Թուրքիայի վարած հարձակվողական քաղաքականությունը, դիմել է Միացյալ ազգերի կազմակերպությանը` պահանջելով զսպել Անկարայի ագրեսիվ գործողությունները:
