ԶԼՄ ներկայացուցիչները ընտրությունների օրը արձանագրեցին, որ մարդիկ ինքնակամ մտնում են շտաբներ, ընտրակաշառք են վերցնում: Նույն այդ մարդիկ ՀՀԿ-ի օգտին քվեարկելուց հետո դժգոհում են իշխանությունից, իրենց սոցիալական վիճակից: «Առաջին լրատվական»- ի հետ զրույցում անդրադառնալով հարցին թե որքանով է սա արդարացված և ինչ օբյեկտիվ հիմքեր ունի «Սոցիալական արդարություն» ՀԿ նախագահ, քրեական արդարադատության հոգեբան, Արշակ Գասպարյանը նշեց. «Արդարացումը բարդ արդյունքների տանող, բայց հեշտ հոգեբանական պաշտպանական ռեակցիաներից մեկն է. երբ որ անում ես մի բան, զգում ես, որ վատ բան ես անում և հետո սկսում ես քեզ արդարացնել՝ սկսած երեխայի սոված լինելու հանգամանքից մինչև «բա ում ընտրեինք արտահայտությունով»»:
«Մենք այսօր ունենք շատ թույլ հոգեվիճակ, որը նաև գալիս է մեր իրազեկվածության չափից և կրթական մակարդակից»,- ընդգծեց հոգեբանը: Նրա դիտարկմամբ՝ կուսակցություններից որևէ մեկի ծրագրում կրթությունն առաջնահերթություն չէ, ինչը մեծ խնդիր է:
«Ինձ համար դա առաջնահերթություն է՝ անգամ Ղարաբաղի հարցից առավել, քանի ոոր եթե չունես կրթված սերունդ, չունես կիրթ մարդիկ, ոչ միայն Ղարաբաղի հարցը չես կարող լուծել, այլ անգամ ԺԵԿ-ի պետին չես կարող փոխել: Եթե քո կրթական մակարդակը չի ներում, որ տեսնես ամբողջական պատկերը, չես կարող փոփոխություն իրականացնել»,- նշեց Ա. Գասպարյանը:
Մանրամասները՝ տեսանյութում:
