ԱՄՆ նախագահ Դոնալդ Թրամփն ուղերձ է հղել Կոնգրեսին, որում բացատել է սիրիական ռազմաօդային ուժերի բազային թևավոր հրթիռներով հարվածելու նպատակը։ Ինչպես հայտնում է The Hill-ը, փաստաթուղթը հասցեագրված է եղել Ներկայացուցիչների պալատի խոսնակ Փոլ Ռայանին և Սենատի ժամանակավոր նախագահ Օրին Հետչին։
«Ես գործել եմ՝ ելնելով ազգային անվտանգության կենսական կարևոր շահերից և ԱՄՆ արտաքին քաղաքականությունից՝ համապատասխան իմ սահմանադրական լիազորությունների որպես Գերագույն գլխավոր հրամանատար»,-հստակեցրել է Թրամփը։ Նա նշել է, որ ԱՄՆ-ը անհրաժեշտության և նպատակահարմարության պարագայում կձեռնարկի հավելյալ գործողություններ՝ ազգային շահերի հետագա պաշտպանության համար։
