Եվրամիության խորհուրդը մեկ տարով երկարացրել Է ԵՄ-ի հասցեական սահմանափակիչ միջոցների գործողությունն Ուկրաինայի մի քանի քաղաքացիների նկատմամբ, որոնց պատասխանատու են համարում պետական միջոցները վատնելու համար, հաղորդում է Interfax-ը:
«2017 թվականի մարտի 3-ին Խորհուրդը մինչեւ 2018 թվականի մարտի 6-ը երկարացրել Է այն 15 անձանց հաշիվների սառեցման որոշումը, որոնք մեղավոր են ճանաչվում Ուկրաինայի պետական միջոցների ապօրինի յուրացման կամ պաշտոնեական դիրքի չարաշահման համար, որոնք վնաս են հասցրել Ուկրաինայի պետական հիմնադրամներին»,- ասված Է ԵՄ-ի խորհրդի մամուլի ծառայության հաղորդագրության մեջ:
Խոսքը վերաբերում Է այն հասցեական ատժամիջոցներին, որոնք արգելում են մուտքը ԵՄ-ի պետություններ և Եվրոպայի բանկերում սառեցնում են սև ցուցակի անձանց ունեգումարները:
Պատժամիջոցների ցուցակի մեջ են մտնում, մասնավորապես, Ուկրաինայի նախկին նախագահ Վիկտոր Յանուկովիչը և նրա ավագ որդին՝ Ալեքսանդրը, նախկին վարչապետ Նիկոլայ Ազարովը և բարձրաստիճան այլ պաշտոնյաներ, ինչպես նաև քաղաքական գործիչներ:
Վ. Յանուկովիչի և նրա զինակիցների նկատմամբ պատժամիջոցները սահմանվել են 2014 թվականի մարտին, այնուհետեւ երկու անգամ երկարացվել են՝ 2015 թվականի մարտին և2016 թվականի մարտին:
