Թուրքիայի արդարադատության նախարարությունը Հունաստանի իշխանություններին կրկնակի հայտ է ուղարկել 8 թուրք զինծառայողներին, որոնք Հունաստան էին փախել անցած տարվա հուլիսի 16-ին ուղղաթիռով Թուրքիայում պետական հեղաշրջման փորձից հետո, արտահանձնելու մասին: Այս մասին հայտնում է NTV հեռուստաալիքը՝ հղում անելով աղբյուրին Թուրքիայի արդարադատության նախարարությունում:
Նախօրեին Հունաստանի Գերագույն դատարանը մերժել է արտահանձնել բոլոր 8 թուրք զինծառայողներին, որոնք Հունաստան էին փախել անցած տարվա հուլիսի 16-ին ուղղաթիռով Թուրքիայում պետական հեղաշրջման փորձից հետո: Դրանից մի քանի ժամ անց Թուրքիայի դատարանն արտոնել է այդ 8 զինվորականների կալանքը: Հունաստանի դատարանի վճռից հետո Թուրքիայի ԱԳՆ-ը բողոք է հայտնել և հայտարարել, որ «Հունաստանը խուսափում է ահաբեկչության և հանցավորության դեմ պայքարի հետ կապված նվազագույն պարտավորությունների կատարումից և ինչպես համարվում է՝ այս որոշումն ընդունել է՝ ելնելով քաղաքական դրդապատճառներից»: Թուրքիան Հունաստանին մեղադրել է, որ «երկիրը, որն ինքն այդպիսի հեղաշրջում է ապրել, դարձել է դրա պաշտպանը»:
