ՌԴ Քննչական կոմիտեն նախաքննչական ստուգումներ է սկսել ԶԼՄ-ների կողմից հրապարակված տեղեկատվության հիման վրա, որի համաձայն Մոսկվայի դպրոցներից մեկի աշակերտները սեռական ոտնձգության են ենթարկվում։ Այս մասին հաղորդում է BBC-ն։
«Առցանց պարբերականներից մեկի հաղորդագրության համաձայն՝ ուսուցիչները, այդ թվում՝ Մոսկվայի հարավ-արևմուտքում տեղակայված ուսումնական հաստատության տնօրենը, աշակերտներին կանչել են մանկական ճամբարներ, որտեղ նրանց նկատմամբ սեռական բնույթի գործողություններ են իրականացրել»,-ասվում է Քննչական կոմիտեի հայտարարության մեջ։
Քննչական մարմինները փորձում են պարզել տեղի ունեցածի հանգամանքները։
Ավելի վաղ «Մեդուզա» առցանց պարբերականը հրապարակել է Մոսկվայի դպրոցներից մեկում տիրող իրավիճակի մասին հետաքննության տվյալները։ Դպրոցի շրջանավարտները և նախկին աշխատակիցները պարբերականին պատմել են աշակերտների հանդեպ ղեկավարության և ուսուցիչների կողմից սեռական ոտնձգության դեպքերի մասին։ Պարբերականի տվյալներով՝ 2015թ․ դպրոցի ղեկավարությունն աշխատանիքց հեռացել է, իսկ դպրոցը՝ վերակազմավորվել։ Սակայն դպրոցի աշխատակիցները, որոնք հիշատակված են հոդվածում, շարունակում են աշխատել երեխաների հետ։
