Ամերիկացի երգչուհի Լեդի Գագային արգելել են խոսել քաղաքականության, այդ թվում ԱՄՆ նորընտիր նախագահ Դոնալդ Թրամփի մասին Սուպերբոլ-2017-ին ելույթի ժամանակ, հաղորդում է ЕТ Online-ը։
Աղբյուրի խոսքով՝ Ֆուտբոլի ազգային լիգան երգչուհւն ասել է, որ վերջինս չի կարող բարձրացնել նախագահական ընտրությունների թեման կամ հիշատակել Թրամփին։
Լիգայի ներկայացուցիչն իր հերթին այս հայտարարությունը «անհեթեթություն է» անվանել։ «Սուպերբոլի ժամանակ մարդիկ հավաքվում են միասին։ Լեդի Գագան կենտրոնացած է երկրպագուների համար հիանալի շոու կազմակերպելու հարցերի վրա, և մեզ դուր է գալիս աշխատել նրա հետ»,-ասել են Ֆուտբոլի ազգային լիգայում և նշել, որ նման բանբասանքները չեն կարող շեղել իրենց։
Լեդի Գագայի անձնական կարծիքն ԱՄՆ ընտրությունների վերաբերյալ ոչ մեկի համար գաղտնիք չէ։ Նա ակտիվ աջակել է դեմոկրատ թեկնածու Հիլարի Քլինթոնին և մասնակցել է Թրամփի դեմ բողոքի ակցիաներին։
