Թուրքիայի արտգործնախարար Մևլյութ Չավուշօղլուն իր ռուս գործընկեր Սերգեյ Լավրովի հետ քննարկել է իրավիճակը Հալեպում և Սիրիայի հարցով Մոսկվայում դեկտեմբերի 27-ին կայանալիք եռակողմ (ՌԴ-ի, Թուրքիայի և Իրանի ԱԳ նախարարների մասնակցությամբ) հանդիպման նախապատրաստությունը։ Այս մասին RIA Novosti-ին հայտնել է թուրքական արտաքին քաղաքական գերատեսչության ներկայացուցիչը։
«Այսօր կայացել է մեր նախարարի հեռախոսազրույցը Ռուսաստանի արտործնախարար Սերգեյ Լավրովի հետ։ Նախարարները քննարկել են իրավիճակը Հալեպում, քաղաքի բնակիչների տարհանումը, ինչպես նաև նախապատրաստությունը Մոսկվայում Սիրիայի հարցով ծրագրված հանդիպմանը»,-ասել է գործակալության զրուցակիցը։
Նա հավելել է, որ Լավրովը Չավուշօղլուին ցավակցություն է հայտնել՝ կապված Կայսերիում տեղի ունեցած ահաբեկչության հետ։
