Lenta.ru-ի փոխանցմամբ՝ աբխազական ընդդիմությունը զինված հեղաշրջում է պատրաստում, և ծրագրել է սպանել հանրապետության նախագահին։ Այդ մասին հայտնել է Աբխազիայի Պետական անվտանգության ծառայությունը։
Վերջինիս հաղորդմամբ՝ հեղաշրջման փորձը ձեռնարկվելու է դեկտեմբերի 15-ին։ Այդ օրը Սուխումի կենտրոնում պետք է անցկացվի ընդդիմության կողմնակիցների հանրահավաք, որի մասնակիցները պետք է պահանջեն հանրապետության ղեկավարի հրաժարականը։
Այդ մտադրություններն իրագործելու համար արմատական հայացքներով քաղաքացիները ծրագրում են կիրառել հրաձգային զենք ու դյուրավառ նյութեր։ Ընդդիմության կողմնակիցների թվում ստեղծվել են մարտական խմբեր, որոնց առաջադրանքը նախագահական նստավայրը գրոհելն է։
