Teen Choice Awards-2013 մրցանակաբաշխության առաջին հաղթողներն արդեն հայտնի են: Սելենա Գոմեսը մրցանակի է արժանացել իր բեկումնային սինգլի՝ Come And Get It-ի համար, Ռեբել Ուիլսոնը դարձել է լավագույն կատակերգական դերասանուհի:
Լեա Միշելը դարձել է կատակերգական հեռուստասերիալի լավագույն դերասանուհին: Նա իր մրցանակը նվիրել է Քորի Մոնտեյթին: Կանադացի դերասանն ու երաժիշտը մահացել է 2013-ի հուլիսի 13-ին: Լեան սիրելիի մահից հետո առաջին անգամ էր երևում հանրությանը: Նա խոստովանել է, որ որոշել է մասնակցել շոուին՝ անձամբ երախտագիտություն հայտնելու երկրպագուներին աջակցության համար:
Ի դեպ, «Երգչախումբ» սերիալը ճանաչվել է լավագույն կատակերգական հեռուստաշոու:
Լավագույն կատակերգու դերասան է ճանաչվել Սկայլար Էսթինը («Իդեալական ձայն»), իսկ լավագույն կատակերգություն՝ «Իդեալական ձայնը» (Pitch Perfect):
Լավագույն դրամատիկ սերիալ է ճանաչվել «Սիրելի փոքրիկ խաբեբաները» (Pretty Little Liars): Դրամատիկ ժանրի սերիալի լավագույն դերասան և դերասանուհի են ճանաչվել «Սիրելի փոքրիկ խաբեբաները» սերիալի դերասաններ Յեն Հարդինգն ու Տրոյեն Էվերի Բելիսարիոն:
Լավագույն երաժշտական խումբ է ճանաչվել One Direction-ը, լավագույն R&B կատարող՝ Բրունո Մարսը:
