Հայաստանում ամենաբարձր միջին աշխատավարձն արդյունաբերական հսկա Սյունիքում է: Այստեղ մեկ ամսում կարելի է միջինը վաստակել ավելի քան 191 հազար դրամ (191 106 դրամ): Պետական հատվածում աշխատավարձն ավելի ցածր է, բայց ոչ պետական հատվածում այն անցնում է 278 հազար դրամը (278 414դրամ):
Մայրաքաղաքը երկրորդ տեղում է պետական և ոչ պետական հատվածների աշխատավարձերի միջին ցուցանիշով (156 222 դրամ), բայց մասնավոր հատվածում Գեղարքունիքն առաջ է անցնում Երևանից: Գեղարքունիքում, մասնավոր հատվածում աշխատելով, միջինը կարելի է վաստակել մոտ 204 հազար դրամ (203 631 դրամ), սակայն մայրաքաղաքում նույն ցուցանիշը մոտ 178 հազար դրամ է (177 605 դրամ): Ամենացածր միջին աշխատավարձը Արագածոտնի մարզում է: Այստեղ այն մոտ 103 հազար դրամ է(103 383 դրամ), այն դեպքում, երբ ամբողջ հանրապետությունում միջին աշխատավարձն անցնում է 144 հազար դրամը:
