«Քաղաքացիական պայմանագիր» կուսակցության քաղխորհուրդը որոշում էր ընդունել, որ առաջիկա ընտրություններին մենք չենք գնա դաշինքներով, և քանի դեռ նոր որոշում չի ընդունվել, այդ որոշումը գործում է»: Այս մասին «Առաջին լրատվական»- ի հետ զրույցում ասաց «Քաղաքացիական պայմանագիր» կուսակցության վարչության փոխնախագահ Սուրեն Պապիկյանը:
Նրա խոսքով՝ կուսակցությունը նախատեսում է մի քանի հարցերի վերաբերյալ մոտեցումները վերանայել. «Իհարկե, մենք համոզված ենք, որ մեր սկզբունքները ճիշտ են, այդ սկզբունքների շրջանակից դուրս գալու ցանկություն չունենք, բայց միևնույն ժամանակ, այն իրողությունները, որ այսօր կան հայաստանյան կյանքում, մասնավորապես ՏԻՄ ընտրությունների արդյունքները հուշում են, որ որքան էլ անսխալ լինեն մեր հաշվարկները, իրականում կարելի է շատ հարցերի շուրջ մտածել և քննարկել: Կուսակցությունը հիմա քննարկումներ է իրականացնում, և չի բացառվում, որ նախկինում ընդունած մի շարք որոշումների մասով նոր հետևություններ անենք»:
Ս. Պապիկյանի դիտարկմամբ՝ նախկինում ՀՀ-ում եղել են բազում դաշինքներ, և դրանք ընդամնեը ժամանակավոր բնույթ են կրել: Վարչության փոխնախագահի խոսքով՝ առաջիկայում եթե ՔՊ-ն որոշի դաշինքով գնալ ընտրությունների, ապա դա կլինի մեկ կուսակցություն դառնալու պայմանով. «Սա կլինի այն առանցքը, որի շուրջ հնարավոր կլինի դաշինքներ կազմել, բայց այս պահին դաշինք կազմելու որոշում մեր կուսակցությունը չունի»:
Մանրամասները՝ տեսանյութում:
