ԱՄՆ նախագահի հանրապետական թեկնածու Դոնալդ Թրամփին Գաղտնի ծառայության գործակալները, որոնք պատասխանատու են բարձրաստիճան անձանց պահպանության համար, Նևադա նահանգի Ռինո քաղաքում կողմնակիցների առաջ ելույթի ժամանակ տարել են տրիբունայից: Այս մասին հայտնում է Reuters-ը:
CNN-ի հաղորդմամբ՝ Գաղտնի ծառայությունում տեղեկություն է ստացվել դահլիճում զինված անձի ներկայության մասին: Տղամարդը ձերբակալվել է:
Թրամփը մի քանի րոպե անց տրիբունա է վերադարձել՝ ելույթը շարունակելու: Խոսքը նա վերսկսել է «մեզ երբեք կանգնեցնել չի լինի» խոսքերով: Նա նաև շնորհակալություն է հայտնել Գաղտնի ծառայությանը, տեղի իրավապահ մարմիններին և իր կողմնակիցներին «աջակցության անհավանական մակարդակի» համար:
