Հայաստանի հավաքականի և Կրասնոդարի համանուն թիմի հարձակվող Յուրա Մովսիսյանը հարցազրույց է տվել Sportbox.ru-ին:
-Նախորդ մրցաշրջանում խաղում էիք դանիական «Ռանդերս»-ում: Տարբեր ակումբներից բազմաթիվ առաջարկներ ունեիք: Ինչո՞ւ ընտրեցիք «Կրասնոդար»-ը:
-Ակումբի նախագահ Սերգեյ Գալիցկիի հետ զրուցելուց հետո, որոշեցի Ռուսաստան տեղափոխվել: Նա շատ հավակնոտ մարդ է, ինձ նման: Մենք ընդհանուր հայտարարի եկանք: Պրեմիեր լիգան շատ բարձրակարգ մրցաշար է: Այստեղ ես կարող եմ անընդհատ խաղալ ու զարգանալ որպես ֆուտբոլիստ:
-Ո՞րն է Ռուսաստանի առաջնության և МЛС-ի տարբերությունը:
-ԱՄՆ-ում հիմնական ուշադրությունը դարձնում են ֆիզիկական պատրաստվածության վրա: Այնտեղ բոլոր խաղացողները շատ արագաշարժ են: Իսկ Ռուսաստանում տեխնիկապես զարգացած բազմաթիվ ֆուտբոլիստներ կան:
-Դուք ռուսերեն չեք խոսում: Դա ավելորդ խնդիրներ չի՞ առաջացնում ադապտացիայի ճանապարհին:
-Արդեն մի քիչ խոսում եմ, սակայն ինձ չեն հասկանում (ծիծաղում է): Սկսել եմ շատ բան հասկանալ: Չեմ կարծում` շատ ժամանակ կպահանջվի լեզուն սովորելու համար:
-Առաջիկա տուրում ձեր մրցակիցը Ռուսաստանի ամենատիտղոսակիր թիմն է` «Սպարտակ»-ը…
-Անհամբեր սպասում եմ: Առավել ևս, որ առաջին անգամ եմ Մոսկվայում: Ինձ համար կարևորը խաղալն է: Ինչպես գիտեք, վնասվածքների պատճառով շատ հանդիպումներ եմ բաց թողել: Իսկ ո՞ւմ դեմ կխաղանք` «Սպարտակ»-ի, թե օրինակ` «Տոմ»-ի, դա արդեն նշանակություն չունի:
