«Կառավարության ծրագրի ներկայացումը առիթ է ստեղծում խոսելու Գործադիր մարմնի նշանակման մասին ու տալու առաջին գնահատականները: Վարչապետի նշանակումը կատարվել է Սահմանադրական նորմերի խախտմամբ: Սերժ Սարգսյանը պիտի խորհրդակցեր խմբակցությունների հետ: Նման խորհրդակցություն ՀԱԿ-ի հետ չի եղել, թեև 2012-ին ՀԱԿ-ն ինքն է մերժել, սակայն դա չի նշանակում, որ հիմա այս վարչապետին նշանակելիս պիտի խախտեն Սահմանադրությունը», – Ազգային ժողովում հայտարարեց ՀԱԿ խմբակցության ղեկավար Լևոն Զուրաբյանը:
Նա նշեց, որ վարչապետ Կարեն Կարապետյանը մի շատ լավ բան արել է. «Կառավարությունից և մարզպետի պաշտոնից հեռացվել են մարդիկ, որոնց կուտակած հարսությունների, չարաշահումների և ապօրինությունների մասին չի խոսել կամ չի գրել միայն ծույլը: Սա արդեն հույսեր է առաջացրել հասարակության մեջ, որ ինչ որ բան կարող է փոխվել դեպի լավը:
Հարց է ծագում, արդյոք այս քայլերը նշանակում են, թեաայս կառավարությունը այլևս չի ներկայացնում կոռումպացված համակարգը, որ գործել է Հայաստանում… Թե՞ սա Սերժ սարգսյանի կողմից մի նախընտրական հնարք է, որի միակ նպատակն է՝ մեղմել ժողովրդի համատարած դժգոհությունը և ատելությունը, հանդես գալ մարդկային դեմքով ու հնարավորինս հեշտացնել ռեժիմի վերարտադրությունը, որից հետո նորից կհանվեն դիմակներն և ռեժիմը նույն ախորժակով և դաժանությամբ կշարունակի ժողովրդի հարստահարումը և երկրի թալանը», – նշեց Լ. Զուրաբյանը:
Մանրամասները՝ տեսանյութում: