«Բավականին լուրջ փոփոխությունների ակնկալիքով, բավականին կարճ ժամկետում պետք է հնարավորություն ընձեռել նոր կառավարությանը՝ ստանալու տնտեսական լուրջ արդյունքներ: Այս մասին «Առաջին լրատվական»-ի հետ զրույցում ասաց ԱԺ ՀՀԿ խմբակցության քարտուղար Գագիկ Մելիքյանը:
Նրա կարծիքով՝ այն փոփոխությունները, որ իրականացվեցին կառավարությունում, նախագահի փետրվարյան ելույթում տեղ գտած թեզերի շրջանակում են տեղի ունեցել՝ կապված կադրային փոփոխությունների հետ:
«Կադրային փոփոխություններից հետո երբ որ ՀՀ նախագահը ներկայացնում էր նոր կառավարությանը, խոսեց այն մասին, որ նոր կառավարությունից ակնկալիքներն այնքան բարձր են, որը երբևէ նախորդ կառավարությունների առջև չի դրվել:
Նոր կառավարությունը պետք է կատարի այնպիսի փոփոխություններ, որոնք կբարձրացնեն ժողովրդի վստահության աստիճանը, հավատը իշխանության նկատմամբ: Դրա համար հիմնական գրավականը պետք է լինի այն, որ պետական ցանկացած ծառայող իր պարտականություններն իրկանացնելիս պետք է իր համար առաջնահերթություն համարի ոչ թե իրավունքը, այլ ստանձնած պատասխանատվությունը»,- նշեց Գ. Մելիքյանը:
Նրա դիտարկմամբ՝ իշխանության նկատմամբ անվստահությունը նախորդ կառավարությունների աշխատանքի հետևանքն է:
Գագիկ Մելիքյանն առանձնացրեց երեք կարևորագույն կետեր, որոնք իրականացնելով՝ այս կառավարությունը կկարողանա բարձրացնել ժողովրդի վստահությունը իշխանությունների նկատմամբ. «Առաջինը՝ ընտրական գործընթացում հասնել առավելագույն վստահության աստիճանի, այդ նպատակով այս օրերին ԸՕ-ում կատարվում են փոփոխություններ, երկրորդ՝ տնտեսության բնագավառում արդյունավետ գործունեություն ծավալել, և, ինչպես միշտ, առաջնահերթություն է երկրի պաշտպանունակության բարձրացումը, ՀՀ և ԼՂՀ անվտանգության ապահովումը»:
Մանրամասները՝ տեսանյութում:
