Գերմանիայի 16 մարզերի սպառողների իրավունքների պաշտպանության հարցերով նախարարները Բրեմենում կայացած համատեղ նիստում հանդես են եկել նախաձեռնությամբ՝ գերմանական գարեջրատներում, բարերում և ռեստորաններում օգտագործվող սնունդի և հիգիենիկ նորմերին համապատասխանելու նոր համակարգ ներդնելու վերաբերյալ: Այս մասին հաղորդում է Deutsche Welle-ն:
Այս համակարգը գործելու է լուսակրի սկզբունքով: Կանաչ լույսը նշանակելու է, որ տվյալ ռեստորանում ամեն ինչ նորմալ է, դեղինը կվկայի, որ ստուգման ժամանակ որոշակի խնդիրներ են առաջացել՝ կապված հիգիենայի պահպանության և սնունդի որակի հետ, իսկ կարմիրը կզգուշացնի այցելուներին, որ այստեղ մտնել պետք չէ:
Գույները բաժանելու են համապատասխան տեսչության աշխատակիցները՝ ստուգումների արդյունքում ձեռք բերված տվյալների հիման վրա:
Սակայն նշվում է, որ վերջերս ստուգողների պակաս է զգացվում: Երբեմն ռեստորանների մի զգալի մաս տարվա ընթացքում նույնիսկ մեկ անգամ ստուգում չի անցնում:
