Գերմանիայի կանցլերի պաշտոնի թեկնածուների շարքում գերմանացիները նախապատվությունը տալիս են Գերմանիայի կանցլեր Անգելա Մերկելին ու Եվրախորհրդարանի ղեկավար Մարտին Շուլցին։
Ինչպես վկայում են հարցման արդյունքները, որն անցկացրել է Forsa հետազոտական ինստիտուտը, կանցլերի ուղիղ ընտրությունների դեպքում Մերկելի օգտին կքվեարկեր պատասխանողների 45 տոկոսը, Շուլցի օգտին՝ 29 տոկոսը։ Գործող փոխկանցլեր Զիգմար Գաբրիելը կարող է դեռևս ակնկալել միայն 18 տոկոսի աջակցությունը։
Գերմանիայում կանցլերին ընտրում են ոչ թե ուղղակի քվեարկությամբ, այլ խորհրդարանական ընտրությունների արդյունքում, թեկնածությունն առաջարկում են հաղթող կուսակցությունները:
Հարցումն անցկացվել է հոկտեմբերի 6-7-ը՝ Stern ամսագրի և RTL-Wahltrend հեռուստածրագրի պատվերով: Հարցմանը մասնակցել է 1002 մարդ, վիճակագրական սխալմունքը կազմում է մոտ 3 տոկոս։
