Բրիթնի Սփիրսի Oh la la երգի տեսահոլովակից հետո մամուլը սկսեց խոսել նախկին Բրիթնիի վերադարձի մասին:
Բրիթնի Սփիրսը ծնվել է 1981-ին: Արդեն 8 տարեկանում նա անցել է «Միկի Մաուսի նոր ակումբի» քասթինգը:
1999-ին նրան հռչակ բերեց Baby One More Time երգը: Մամուլը նրան անվանում էր փոփ-արքայադուստր, մեծ բեմի Լոլիտա:
Բրիթնի Սփիրսը գլխավորում էր մոլորակի ամենասեքսուալ կանանց վարկանշային աղյուսակները, իսկ նրա զուգընկերն էր Ջասթին Թիմբերլեյքը: Երգչուհու կարիերան իր գագաթնակետին հասավ 2000-ականներին:
2004-ին Բրիթնին ամուսնանում է պարուսույց Քևին Ֆեդերլայնի հետ: Հղիությունից հետո նա երկար ժամանակ չէր կարողնաում նախկին կառուցվածքը «հետ բերել», ուստի ընդգծող և բաց հագուստներին փոխարինելու եկան լայն և սպորտային հագուստները:
Դրան հետևեցին տարատեսակ փորձարկումները: Նախ՝ երգչուհին փոխեց մազերի գույնը, հետո՝ ճաղատացավ, դրանից հետո կրկին փորձեց մազերի արհեստական աճեցմամբ նախկին տեսքը վերականգնել: Նա թափթփված և անխնամ տեսք ուներ: Իսկ ամուսինն էլ դավաճանում էր նրան:
Սփիրսը մի քանի անգամ «վերադառնալու» փորձեր է արել, սակայն նրա հանգած հայացքը, անվստահ շարժումները խոսում էին այն մասին, որ նա չի կարող մինչև վերջ վերականգնվել:
Վերջին կես տարվա ընթացքում, Բրիթնին, կարծես, ավելի լավ տեսք ունի, նշում է Spletnik.ru-ն:
