Իրանական IRNA լրատվական գործակալության փոխանցմամբ՝ Իրանի ԱԳՆ ներկայացուցիչ Բահրամ Ղասեմին լրագրողների հետ ճեպազրույցում հայտարարել է, որ Իրանը քաղաքացիների համար վիզային ռեժիմի վերացման մասին պայմանավորվել է Հայաստանի, Վրաստանի ու Թուրքիայի հետ:
Նա ընդգծել է, որ օրակարգում չկա Ադրբեջանի հետ վիզային ռեժիմը վերացնելու վերաբերյալ համաձայնագրի ստորագրման հարց՝ հավելելով, որ Ադրբեջանը խոստացել է Իրանի քաղաքացիների համար մեղմացնել վիզային ռեժիմը:
«Երկրի նախագահ Հասան Ռուհանին Բաքու կատարած այցի ժամանակ չի կարողացել Ադրբեջանի նախագահ Իլհամ Ալիևի հետ հանդիպման ժամանակ բարձրացնել վիզային ռեժիմի հարցը, քանի որ զբաղված է եղել Բաքվում Ռուսաստանի նախագահ Վլադիմիր Պուտինի ու Ալիևի հետ եռակողմ բանակցություններով»,- ասել է նա:
