Գրոհայինները կրակ են բացել Եգիպտոսի բանակի հրամանատար, գեներալ-մայոր Ահմադ Վասֆիի ավտոմեքենայի վրա, փոխհրաձգության հետևանքով երեխա է զոհվել՝ հաղորդում է «Ալ-Ահրամ» թերթը:
Թերթի փոխանցմամբ՝ Շեյխ Զուեյդ շրջանում (Հյուսիսային Սինայ) Եգիպտոսի 2-րդ դաշտային բանակի հրամանատար, գեներալ-մայոր Ահմադ Վասֆիի ավտոմեքենայի վրա կրակ է արձակվել, ինչը հանգեցրել է անվտանգության ուժերի և ահաբեկչական տարրերի բախումներին:
Հարձակում գործած գրոհայինների մեքենան հաջողվել է կանգնեցնել: Վարորդը ձերբակալվել է, մնացածին հաջողվել է թաքնվել: Խուզարկության ժամանակ մեքենայում հրազենային զենք է հայտնաբերվել:
Անվտանգության ուժերի և գրոհայինների միջև փոխհրաձգության հետևանքով վիրավորվել է մի աղջիկ, որը ստացած վերքերից մահացել է Ալ-Արիշի հիվանդանոցում:
