Քուվեյթը Եգիպտոս 4 մլրդ դոլարի օգնություն կուղարկի: Այդ մասին այսօր հաղորդել է «Ալ-Արաբիա» հեռուստաալիքը:
Եգիպտոսին ֆինանսական օգնության փաթեթն իր մեջ ներառում է 1 մլրդ դոլար կանխիկ գումար, 1 մլրդ դոլարի նավթամթերքներ ու բնական գազ, իսկ ևս 2 մլրդ դոլարը դեպոզիտի տեսքով կներդրվի երկրի կենտրոնական բանկում:
Երեքշաբթի Միացյալ Արաբական Էմիրությունները և Սաուդյան Արաբիան արդեն խոստացել էին օգնել Եգիպտոսի տնտեսությանը 8 մլրդ դոլարով: Այսպես, ԱՄԷ-ն խոստացել է 2 մլրդ դոլար տրամադրել որպես առանց տոկոսադրույքի վարկ և 1 մլրդ դոլար՝ որպես անվերադարձ օգնություն:
Էր-Ռիյադը 2 մլրդ դոլարի նավթ ու գազ կմատակարարի, 2 մլրդ դոլարը դեպոզիտի տեսքով կփոխանցվեն կենտրոնական բանկին, իսկ 1 մլրդ դոլարը կանխիկ կտրամադրվի:
