Օտարերկրացիներին, ովքեր Բելգիայում են գտնվում գործող ազգային օրենսդրության խախտմամբ, այսուհետև կսպառնա 200 եվրոյի չափով վարչական տուգանք, որը ենթակա է անհապաղ (անհետաձգելի) վճարման։ Այս մասին հայտնում է Standaard-ը։
Հաղորդվում է, որ ֆինանսական պատժամիջոցները կարող են կիրառվել ինչպես երրորդ երկրներից եկածների դեմ, ովքեր չեն վերադարձել հայրենիք կարճաժամկետ շենգենյան վիզայի (3 ամսից ոչ երկար) գործողության ժամկետի լրանալուն պես, այնպես էլ ԵՄ անդամ երկրների քաղաքացիների դեմ, ովքեր չեն հայտարարագրել իրենց գտնվելը Բելգիայում կամ սահմանված կարգով չեն երկարացրել փաստաթղթերի ժամկետը։
Ապաստանի և միգրացիայի հարցերով Թագավորության պետքարտուղար Տեո Ֆրանկենի խոսքով՝ դա ուղերձ է բոլոր եկողներին, որ պետք է համապատասխանել կանոններին։
