Պաշտոնական Լոնդոնն արգելել է բրիտանական այցագրեր տրամադրել 60 ռուսների, որոնք կապված են, այսպես կոչված, «Մագնիտսկու գործի» հետ: Այս մասին հայտնում է The Daily Telegraph-ը:
Ինչպես հաղորդվում է՝ միջոցառումներն ընդունվել են անցած տարի Եվրոպայում անվտանգության և համագործակցության հրավերով հանձնաժողովի կողմից 60 պաշտոնական անձանց ցուցակը հրապարակելուց հետո:
Պարբերականի տվյալներով՝ արգելքի մասին հաղորդվել է՝ ի պատասխան պատգամավոր Դոմինիկ Ռաաբի խորհրդարանական հարցման: Նա հարցրել էր թագավորության ՆԳՆ-ին, թե այդ ցուցակից քանի՞ ռուս է անցյալ տարի եղել Մեծ Բրիտանիայում:
Ներքին գործերի փոխնախարար Մարկ Հարփերը պատասխանել էր, որ հատուկ գործերով ՆԳՆ տնօրինությունն արդեն իրազեկված է ցուցակի անձանց մասին և ընդունել է անհրաժեշտ միջոցառումներ, որպեսզի նրանց այցագրեր չտրամադրվեն: Այլ մեկնաբանություններից ՆԳՆ-ն հրաժարվել է:
