«Սասնա ծռերի» անդամ Վարուժան Ավետիսյանն «Առաջին լրատվական»-ի հետ զրույցում փոխանցել է, որ պատրաստ է հենց այս պահին բաց թողնել բժիշկներին, եթե գա հաջորդ հերթափոխը: Նա փոխանցել է նաև, որ բժիշկներն իրենց լավ են զգում, իրենց մասնագիտական պարտքն են կատարում:
«Շտապբուժօգնություն» ՓԲԸ տնօրեն Թագուհի Ստեփանյանը, անդրադառնալով այս հայտարարությանը, նշեց. «Ինչպե՞ս են պատկերացնում, որ բաց են թողնում մեր բրիգադը, որ իրենք լրիվ դուրս կգան, հետո նո՞ր մենք կմտնենք, թե մեր բրիգադը պետք է մտնի այն ժամանակ, երբ նրանք դեռ ներսն են: Այդ ո՞րն է երաշխիքը, որ նրանց դուրս կթողնեն»:
Նա նաև ասել է, որ ի սկզբանե ամեն ինչ կառուցված է եղել ստի վրա: «Իրենք մեզ խաբել են, մեր բրիգադը կանչել են ու չեն թողել դուրս գալ: Հիմա ես ուզում եմ հասկանալ՝ բրիգադը դուրս է գալու, հետո նոր մյուս բրիգադը մտնի՞»,- հարցադրումով հալելեց Թագուհի Ստեփանյանը:
Ավելի վաղArmtimes.com-ի հետ զրույցում Թագուհի Ստեփանյանն ասել էր, որ խոսել է«Սասնա ծռեր» խմբի անդամներից Արայիկ Խանդոյանի (Միայնակ Գայլ) հետ և փորձել նրան համոզել՝ ազատ արձակել գնդի տարածքում արդեն 3-րդ օրը գտնվող բուժքույր Մալինա Մարգարյանին, սակայն Խանդոյանը համաձայնություն չի տվել:
