Պաշտոնական Բրյուսելը Վաշինգտոնին սպառնացել է դադարեցնել տեղեկությունների փոխանակությունը՝ կապված լրտեսական սկանդալի հետ: Այս մասին հայտնում է The Financial Times-ը:
Ինչպես հիշեցնում է պարբերականը՝ ներկայում ԱՄՆ-ի ու ԵՄ-ի միջև գործում են միմյանց տվյալներ տրամադրելու երկու համաձայնագրեր: Տեղեկությունների տարածումից հետո, համաձայն որոնց՝ ամերիկյան հատուկ ծառայությունները հետևում են եվրոպական դեսպանություններին ու ԵՄ քաղաքացիներին, «անդրատլանտյան լարվածությունը» սրվել է՝ ասվում է հոդվածում:
Ներքին գործերի եվրահանձնակատարի նամակում ասվում է, որ քանի դեռ ԱՄՆ-ը հարգանք չի դրսևորում չարտոնված հասանելիությունից տվյալների պաշտպանության մասին ԵՄ օրենքների նկատմամբ, Բրյուսելը ստիպված կլինի դադարեցնել գործարքը, որն ամերիկյան իշխանություններին հասանելիություն է ընձեռում եվրոպացիների ֆինանսական օպերացիաների մասին տվյալներին և ավիաուղևորների մասին տեղեկություններին:
«Մենք ապրում ենք մեր ուժեղագույն դաշնակից ԱՄՆ-ի հետ հարաբերությունների հիվանդագին պահ»,- գրում է Սեսիլյա Մալմստրեմը: «Փոխադարձ վստահությունը լրջորեն խարխլվել է, և ես սպասում եմ, որ ԱՄՆ-ը ուժերի ներածի չափով կանի ամեն ինչ՝ այն վերականգնելու համար»,- հայտնել է եվրահանձնակատարը ԱՄՆ ազգային անվտանգության քարտուղար Ջանեթ Նապոլիտանոյին և ֆինանսների փոխնախարար Դևիդ Քոենին հղված ուղերձում:
