«Իշխանությունն իրավունք չունի խմբին զրկելու սննդից և ջրից, այլապես ինքն է դառնում բանդա և ահաբեկիչ: Իշխանությունը պետք է շահագրգիռ լինի պահպանելու մարդկանց կյանքը, ինչքան էլ նրանց գործողությունները անընդունելի լինի իշխանության համար»,-«Առաջին լրատվական»-ի հետ զրույցում ասաց Գյումրու Ասպարեզ լրագրողկան ակումբի նախագահ Լևոն Բարսեղյանն՝ անդրադառնոլավ զինված խմբին սննդից և կապի միջոցներից զրկելու խնդրին: Նրա խոսքով զինված խմբին սովամահության մատնելը գալիս է ապացուցելու, որ իշխանությունը զավթիչ է: Այդ իսկ պատճառով ձևավորված համակարգող խորհուրդը առաջնահերթ է դարձրել սննդի հարցը:
Բարսեղյանի խոսքով հանրությունն ահաբեկված է: Դա է պատճառը, որ շատերը, ովքեր կիսում են այսօրվա պահանջը, վախենում են դուրս գալ փողոց և իշխանափոխություն պահանջել:
«Սա նշանակում է, որ իշխանությունը խոշոր հաշվով շարունակում է չընկալել երկրի խնդիրները, կամ թերագանահատել դրանց նշանակությունը: Հարյուր անգամ իշխանությանը զգուշացվել է, որ շնորհակալ եղեք, որ մարդիկ զենք չեն վերցնում, խաղաղ ճանապարհով են պայքարում, բայց չլսեցին: Մարդիկ էլ զենք վերցրեցին: Դա հասարակական դժգոհության արտահայտություն էր, բայց հաջորդիվ ավելի վատ կլինի: Կհայտնվեն մարդիկ, ովքեր փակ դեմքերով արդեն զենք կվերցնեն և կպայքարեն»,-ասաց Բարսեղյանը:
Ինչ վերաբերում է բանակցություններին և ստեղծված վիճակի հանգուցալուծմանը, ապա մեր զրուցակցի խոսքով իշխանությունը դեռ որեւէ էական քայլի չի գնացել, որը ցույց կտա, որ իրենք ցանկանում են խաղաղ ճանապարհով լուծել ստեղծված վիճակը: Առայժմ գնում են զինված խմբին հյուծելու ճանապարհը:
Բարսեղյանի խոսքով, զինված ճանապարհով հարցը լուծելը կհանգեցնի ավելի վատ վիճակի: Երկրում իրավիճակը կլարվի:
Առավել մանրամասն՝ տեսանյութում
