Գնումների ոլորտում համատարած ռիսկայնության մասին խոսել չի կարելի: Այս մասին այսօր ՀՀ կառավարությունում լրագրողների հետ հանդիպման ժամանակ ասաց ՀՀ Ֆինանսների նախարար Դավիթ Սարգսյանը՝ խոսելով ՎՊ հաշվետվության շուրջ և ՎՊ նախագահ Իշխան Զաքարյանի գնահատականների շուրջ:
Նախարարը նշեց, որ գնումների ոլորտում իսկապես առկա են մի շարք խնդիրներ, որոնց լուծման ուղղությամբ նախարարությունն իրականացրել է աշխատանքներ և շարունակում է աշխատանքների իրականացումը: Ըստ նրա՝ ոլորտում առաջնահերթություններն են թափանցիկությունը, հավասար վերաբերմունքը բոլոր մատակարարների նկատմամբ: Այս ամենի արդյունքում , նախարարի գնահատմամբ, ավելի օպտիմալ գնումների իրականացում: «Վերջին ութից ինը ամիսների ընթացքում կատարվել են մի շարք աշխատանքներ գնումների գործընթացն ավելի օրինակելի դարձնելի դարձնելու ուղղությամբ»,- ասաց նախարարը՝ մանրամասնորեն ներկայացնելով, թե ինչ աշխատանքներ են իրականացվել գնումների համակարգը թափանցիկ դարձնելու ուղղությամբ:
Անդրադառնալով ՎՊ նախագահ Իշխան Զաքարյանի դիտարկումներին մի քանի մլրդ դրամ անարդյունավետ ծախսի մասին՝ ասաց, որ համաձայն չէ այդ գնահատականի հետ, քանի որ յոթ հարյուր մլրդ պետգնումներ գոյություն չունեն: Ըստ նրա՝ գնումների պլանը, որը տարվա սկզբին է հաստատվում կազմում է 262 մլրդ դրամ, որին պետք է գումարել նաև դրսի այլ ծրագրերի ծախսերը, այդպես գումարը կազմում է 445 մլրդ դրամի, որի մեջ շուրջ 130 մլրդ դրամը աշխատվարձերն են հանրակրթական դպրոցների և պոլիկլինիկաների բժիշկների, որոնք գնումների հոդվածով են գնում: « Անգամ, եթե դա լինի յոթ հարյուր մլրդ, ապա համատարած ռիսկայնության մասին խոսել չի կարելի, գնումների ոլորտում խնդիրներ կան, բայց ոչ համատարած: Ես պատրաստ չեմ ասել, թե քանի տոկոսում կան խնդիրներ»,- նշեց Դավիթ Սարգյանը:
Հարցին, թե ինչո՞վ զբաղվում ՀՀ Ֆինանսների նախարարության վերահսկողական ծառայությունը, նախարարը պատասխանեց, որ նախարարությունն ունի ֆինանսական վերահսկողության տեսչություն, որը տարեկան կտրվածքով հրապարակում է հաշտվետվություն, ամեն տարվա ավարտից հետո Կառավարության նիստերի ընթացքում քննարկվում է: « Հաշվտեվտությունը երկու մասի է բաղկացած՝ ընդհանուր դիտարկումների հատված և կոնկրետ ստուգումների հատված, որը վերաբերում է կոնկրետ արդյունքներին: Երբ ստուգումներ է իրականցնում տեսչությունը, կասկածներ են առաջանում, որ այն ոլորտը, այն խնդիրը, որն արձանագրվում է, կարող է ունենալ քրերորեն հետապնդելի էլեմենտ, ուստի այդ դեպքերում գործերն ուղարկվում են իրավապահ մարմիններին»,- ասաց նախարարը՝ հավելելով, որ վերջին չորս տարիների ընթացքում 19 գործ է ուղարկվել իրավապահ մարմիններին, բացի 2011թ., որի ընթացքում 51 դրվագ է ուղարկվել ՀՀ իրավապահ մարմիններին:
