Ռուսաստանի դեմ պատժամիջոցները պետք է պահպանվեն մինչև նրա կողմից Մինսկի պայմանավորվածությունների իրագործումը: Այս մասին գրել է ԱՄՆ նախագահ Բարաք Օբաման Financial Times թերթի համար սյունակում:
«Մենք պետք է ուժեղացնենք համագործակցությունը անվտանգության ոլորտում ՆԱՏՕ-ի և ԵՄ-ի միջև, ինչպես նաև աջակցությունը Ուկրաինային, որը պաշտպանում է իր ինքնիշխանությունը և տարածքային ամբողջականությունը: Եվ նույնիսկ, չնայած մեր ազգերը բաց են մնում Ռուսաստանի հետ ավելի կառուցողական հարաբերությունների համար, մենք պետք է համաձայնենք, որ Ռուսաստանի դեմ պատժամիջոցները պետք է պահպանվեն, մինչև Մոսկվան լիովին իրագործի իր պարտավորությունները Մինսկի պայմանավորվածությունների համաձայն»,- նշել է Օբաման:
Սյունակի սկզբում Օբաման նշում է մի շարք «մարտահրավերներ», մասնավորապես՝ «ահաբեկչական հարձակումները ՆԱՏՕ-ի երկրներում, փախստականների հոսքը, «ռուսական ագրեսիան» Ուկրաինայի նկատմամբ, նաև Brexit-ի հարցով քվեարկության արդյունքները: «Մինչ ես ժամանում եմ Վարշավա ՆԱՏՕ-ի և ԵՄ ղեկավարների հետ հանդիպման, հավատում եմ, որ մեր ազգերը պետք է մոբիլիզացնեն քաղաքական կամքը և ամուր պարտավորություններ ստանձնեն այդ մարտահրավերներին պատասխանելու համար: Ես հավատում եմ, որ մենք ունակ ենք դրան, բայց միայն եթե միասնական մնանք որպես իրական դաշնակիցներ և գործընկերներ»,- նշել է նա:
