Աշնանը Գյումրիում կայանալիք ՏԻՄ ընտրություններին «Ժառանգություն» կուսակցությունը ընդդիմադիր ուժերի միասնական պայքարի հնարավորություն է տեսնում: Այս պահին բանակցություններ են ընթանում «Գաղափարակից լիբերալների ալյանս» (ԳԱԼԱ) կուսակցության, ինչպես նաև «Ասպարեզ» ակումբի նախագահ Լևոն Բարսեղյանի հետ: Այս մասին «Առաջին լրատվական»- ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը:
Հանրապետության երրորդ քաղաքում՝ Վանաձորում այս պահին դաշինքի հնարավորություն կուսակցությունը չի տեսնում, բայց չի բացառում. կարևորը, Արմեն Մարտիրսյանի խոսքով, ընդդիմության հաղթանակն է երկու խոշոր քաղաքներում, որտեղ վերջին բոլոր համապետական ընտրություններին ընդդիմությունը հաղթանակ է տարել:
«Ակնհայտ է, որ իշխանությունը բազմաճակատ է այս ընտրություններին մասնակցելու: Եթե մեկ միասնական ընդդիմադիր միավոր ստեղծվի, շատ ավելի ճիշտ կլինի: Մենք այդ ուղղությամբ քայլեր ենք իրականացնում և ցանկացած պարագայում արդյունքների կկարողանանք հասնել»,- նշում է Ա. Մարտիրոսյանը:
Ա. Մարտիրոսյանը կարծում է, որ երկու քաղաքներում եթե ընդդիմությունը հաղթի առաջիկա ընտրություններին, հանրության տրամադրությունը կփոխվի:
Մանրամասները՝ տեսանյութում:
