«ՀԱՊԿ հայտարարությունն իրավիճակի որևէ էական փոփոխություն չի տա». անդրադառնալով ՀԱՊԿ արտգործնախարարների երևանյան նիստին՝ «Առաջին լրատվական»- ի հետ զրույցում այս կարծիքը հայտնեց քաղաքագետ Ստեփան Սաֆարյանը:
Քաղաքան վերլուծաբանը Մինսկի խմբի և ՀԱՊԿ-ի արած հայտարարությունների միջև տարբերություն չի տեսնում, սակայն, ըստ նրա, հայտարարությունը ֆորմալ առումով միտված է խնդրի ռազմական եղանակով կարգավորումը բացառելուն:
«Առաջին անգամը չէ, որ ՀԱՊԿ-ը նման հայտարարություն է անում. ԼՂՀ-ի և ապրիլյան պատերազմի հետ կապված նախորդ հայտարարությունները նույնպես այս կամ այն չափով հասցեական են եղել, բայց Հայաստանի անվտանգության համար խնդիրը, այնուամենայնիվ ՀԱՊԿ- ի ունեցած նշանակության մեջ է: Կարող են լինել հայտարարություններ, բայց ակնհայտորեն ով՝ ով, բայց Իլհամ Ալիևը, Ադրբեջանը բավականին լավ գիտեն ՀԱՊԿ-ի գինը և նշանակությունը: Ի թիվս այլ հանգամանքների՝ Ադրբեջանի ռազմական քայլերը նաև ՀԱՊԿ-ի փորձարկման նպատակն են հետապնդում, և Ադրբեջանը կարծեք թե համոզվեց, որ այդ կառույցը բացարձակ անտարբեր է ՀՀ մարտահրավերների նկատմամբ»,- ընդգծեց Ս. Սաֆարյանը:
Մանրամասները՝ տեսանյութում:
