Վագրը սպանել է իսպանական տուրիստական Բենիդրոմ քաղաքի Terra Natura կենդանաբանական այգու աշխատակցուհուն, հայտնում է Ultima Hora լրատվական պորտալը՝ հղում անելով աղբյուրին:
Դեպքը տեղի է ունեցել շաբաթ երեկոյան: Վագրը հարձակվել է կնոջ վրա այն բանից հետո, երբ նա անզգուշորեն բաց է թողել դեպի վանդակ տանող դուռը:
Տեղական Alicante Actualidad պորտալի տվյալներով՝ կենդանաբանական այգու աշխատակիցները քնեցրել են գազանին քնաբերի օգնությամբ և վանդակից դուրս են հանել զոհված 37-ամյա կնոջը:
Նշվում է, որ կինը կենդանաբանական այգում աշխատել է մոտ ութ տարի և եղել է ամենափորձված աշխատակիցներից մեկը: Ներկա պահին տեղի ունեցածի կապակցությամբ կատարվում է հետաքննություն: Գիշատչի հետագա ճակատագրի մասին ոչինչ հայտնի չէ:
