ՀՀ վարչապետ Տիգրան Սարգսյանի որոշմամբ, Վահան Պողոսյանը նշանակվել է ՀՀ առողջապահության նախարարության աշխատակազմի ղեկավարի պաշտոնակատար: Առաջին լրատվականին հաջողվեց պարզել, որ Վահան Պողոսյանը Բժշկական գիտությունների թեկնածու է,
ՀՀ Առողջապահության նախարարությանաշխատակազմի բժշկական օգնության կազմակերպման վարչության պետն է: Վ. Պողոսյանը ծնվել է Երեւանում: Միջնակարգ կրթությունը ստացել է Երևանի թիվ 118 միջնակարգ՝ մաթեմատիկական թեքումով դպրոցում:
1984-1990թթ. սովորել և ավարտել է ԵրՊԲԻ բուժական ֆակուլտետը:
1998-2000թթ. սովորել և ավարտել է Երևանի ֆինանսատնտեսագիտական տեխնիկումի իրավաբանական ֆակուլտետը՝ ստանալով իրավաբանի որակավորում:
Բժշկական պրակտիկան.
1987-1990թթ. ուսմանը զուգընթաց աշխատել է Հանրապետական կլինիկական հիվանդանոցի վիրաբուժական բաժանմունքում՝ որպես բուժակ:
1990-1991թթ. աշխատել է նախ «Էրեբունի» կլինիկական հիվանդանոցում, այնուհետև Հանրապետական կլինիկական հիվանդանոցում՝ որպես շտապօգնության բժիշկ՝ ստանալով շտապօգնության բժշկի որակավորում:
1991-1993թթ. ընդունվել է ՊԲԻ կլինիկական օրդինատուրա և աշխատել հանրապետական կլինիկական հիվանդանոցում գտնվող թիվ 2 վիրաբուժական հիվանդությունների ամբիոնում՝ որպես կլինիկական օրդինատոր՝ ստանալով վիրաբույժի որակավորում:
1993թ-ին աշխատել է «Արմենիա» հանրապետական բժշկական կենտրոնում որպես հերթապահ բժիշկ:
1995թ-ին եղել է Էջմիածնի շրջանային կենտրոնական հիվանդանոցի գլխավոր բժշկի տեղակալ:
1996-1997թթ.’ Արմավիրի մարզպետարանի առողջապահության վարչության առաջատար մասնագետ, ամբուլատոր-պոլիկլինիկական ցանցի կոորդինատոր:
1997-1998թթ.’ ՀՀ քաղաքացիական ավիացիայի «Հայավիաբուժ» բժշկական կենտրոնի գործադիր տնօրենի տեղակալ, վարչության անդամ՝ սանիտարահիգիենիկ, բուժկանխարգելիչ, ուսումնամեթոդական և թռիչքների անվտանգության ապահովման հարցերով:
1998-2000թթ. զբաղեցրել է «Զվարթնոց» ՊՓԲԸ «Հայավիաբուժ» բժշկական կենտրոնի գլխավոր բժշկի պաշտոնը’ միևնույն ժամանակ լինելով ՌԴ ՄԱԿ-ի կոորդինացիոն խորհրդի անդամ:
2001թ-ից ՀՀ Առողջապահության նախարարության աշխատակազմի բժշկական օգնության կազմակերպման վարչության պետն է, Տուբերկուլոզի դեմ պայքարի ազգային ծրագրի ղեկավարը:
2006թ-ից բժշկական գիտությունների թեկնածու է:
Ամուսնացած է, ունի 3 որդի:
