ԱԺ-ում այսօրվա արտահերթ նիստում «Ժառանգություն» խմբակցության Զարուհի Փոստանջյանը պատգամավորներին հիշեցրեց, որ այժմ 3-րդ Ընտրական օրենսգիրքն է քննարկվում։ «Հավանաբար, միառժամանակ հետո կբերվի նոր Ընտրական օրենսգիրք։ Բայց ամենակարևորն այն է, որ այս Ընտրական օրենսգրքերը չեն ծառայելու մեր հանրությանը։ Այս օրենսգիրքը չի լուծելու այն հարցը, որը մեր առջև ծառացած է. մենք չենք կարողանալու զարգացնել քաղաքական համակարգը ՀՀ-ում։ Քաղաքական համակարգը կարող է զարգանալ, եթե կան մրցակցային քաղաքական կուսակցություններ»,- ասաց Զ. Փոստանջյանը։
Ընտրական օրենսգրքը ընտանիքի հետ համեմատելով՝ Փոստանջյանը նշեց. «Այս պարագայում կա մի, այսպես ասենք, քաղաքական միավոր, անվանումը՝ Հանրապետական կուսակցություն, որը ծնել է այս Ընտրական օրենսգիրքը, որն այս Ընտրական օրենսգրքի մայրն է։ Բայց պարզվում է՝ օրենսգիրքը հայր չունի, որովհետև չկա քաղաքական կոնսենսուս: Ի՞նչ է ուզում անել այս ապօրինի զավակի մայրը. ուզում է այնպես անել, որպեսզի ՀՀ-ն՝ որպես անկախ պետականություն, գոյություն չունենա. չլինեն համապատասխան թվով քաղաքացիներ, որոնք կարողանան ընտրությունների միջոցով փոխել իշխանությունը, բանեցնեն իրենց իշխանությունը։ Սա է այս փաստաթղթի էությունը»։
Դիմելով ՀՀԿ-ին՝ Զ. Փոստանջյանն ասաց. «Այո, դուք չարիքի աղբյուրն եք»։
Մանրամասները՝ տեսանյութում:
