MK-Turkey-ի փոխանցմամբ՝ ընդդիմադիր «Ժողովրդա-հանրապետական» կուսակցության (ԺՀԿ) պատգամավոր Սեզգին Թանրըքուլուն հայտարարել է, որ «Արդարություն և զարգացում» կուսակցության (ԱԶԿ) կառավարման 13 տարիներին մարդու իրավունքների խախտումների զոհ է դարձել ընդհանուր առմամբ 37.922 մարդ։
Նրա խոսքերով՝ 2002-2015 թվականներին գրանցվել են կանանց, աշխատողների սպանության դեպքեր, զինվորների մասնակցությամբ կասկածելի ճակատագրական միջադեպեր, ինչպես նաև աճել է մանկական մահացության մակարդակը։
Նա ընդգծել է, որ հաշվետու ժամանակահատվածում դժբախտ պատահարներից զոհվել է 17.057 մարդ՝ հավելելով, որ կառավարությունը չի ձեռնարկում նախազգուշական որևէ միջոց, որպեսզի դա թույլ չտա ապագայում։
Պատգամավորը հայտնել է, որ 2008 թվականից կասկածելի հանգամանքներում զոհվել է 328 զինվոր, իսկ 2015 թվականի հունիսի 7-ի հունիսյան ընտրություններից հետո զոհվել է ավելի քան 500 և վիրավորվել է մոտ 2000 զինծառայող:
«2002 թվականին ԱԶԿ-ի կողմից իշխանության գալուց հետո կտտանքների է ենթարկվել 211.227 մարդ»,- հայտարարել է Սեզգին Թանրըքուլուն։
