«2012-ից ի վեր բազմիցս բարձրացրել ենք մեր պետական կառավարման համակարգի արատավորության հետ կապված խնդիրներ, կոռուպցիայի, մենաշնորհների բազմաթիվ բացահատումներ ենք արել, առաջարկել ենք լուծումներ, թե ինչպես կարելի է առողջացնել մեր պետական համակարգը։ Ցավոք, մեզ չեն լսել, չեն արձագանքել, և ձև են արել, թե ամեն ինչ կարգին է, թե մեր քննադատությունը որևէ հիմք չունի»,- այսօր ԱԺ ճեպազրույցների ժամանակ հայտարարեց ՀԱԿ խմբակցության ղեկավար Լևոն Զուրաբյանը՝ հավելելով, որ ապրիլյան պատերազմը փոխեց ընկալումները ոչ միայն հանրության, այլ նաև նկատելի է նույնիսկ իշխանության մեջ:
«Կան պարզ ճշմարտություններ, որոնք արդեն ոչ ոք չի կարող չընդունել, և ապրիլյան իրադարձությունները ցույց տվեցին, որ արատավոր համակարգը դարձել է ազգային անվտանգության խնդիր»,- նշեց Լ. Զուրաբյանը
Անդրադառնալով բյուջեի կատարողականին, նա նշեց, որ անարդյունավետ ծախսեր են կատարվել, և որ ՀԱԿ-ը կողմ կլիներ 2015 թվականի բյուջեի 109 մլրդ դրամ ավելացումներին, եթե դրանք արվեին բյուջեի ակտիվացման նպատակով կամ պետական պատվերներ լինեին նոր զինատեսակներ մշակելու և գնելու նպատակով. «Սակայն այդ ծախսերը կառավարական ծախսեր են, որոնցից տնտեսությունը օգուտ չի քաղել, դրանք «բազեաբուծական» ծախսեր են:
Մանրամասները՝ տեսանյութում:
