Ճապոնիայի խորհրդարանի վերին պալատը միաձայն ընդունել է 1898թ. օրենքի փոփոխությունները, որը կնոջն արգելում է կրկին ամուսնանալ ամուսնալուծությունից հետո կես տարվա ընթացքում: Այս մասին հայտնում է RIA Novosti-ն:
Նախանցյալ դարի վերջին մշակված օրենքը, որն ուժը պահպանել էր մինչև մեր օրերը, ընդունված է եղել հայրության հնարավոր վեճերից խուսափելու նպատակով, եթե երեխան ծնվել է ամուսնալուծությունից հետո կես տարվա ընթացքում:
Չորեքշաբթի օրենքի ընդունված փոփոխությունները նախատեսում են այդ ժամկետի կրճատում մինչև 100 օր, եթե կինը բժշկի տեղեկանք ներկայացնի, որ հղի չէ:
Անցած տարվա դեկտեմբերին Ճապոնիայի գերագույն դատարանն այդ օրենքը ճանաչել է Սահմանադրությանը հակասող:
