Օռլանդոյում (Ֆլորիդա) անցկացված քվեարկության արդյունքներով՝ ԱՄՆ Լիբերտարիանական կուսակցությունը նախագահի պաշտոնում առաջադրել է Նյու Մեքսիկո նահանգի նախկին նահանգապետ Գերի Ջոնսոնին։ Այս մասին հայտնում է BBC-ն։
Այլ հավակնորդներ են եղել գործարար Օսթին Փիթերսենը և հակավիրուսային ընկերության հիմնադիր Ջոն Մաքաֆին։
Ջոնսոնն արդեն ներկայացրել է լիբերտարիանցիներին 2012-ի նախագահական ընտրություններում. այդ ժամանակ նրա օգտին քվեարկել էին մոտ 11.2 մլն ընտրողներ, այսինքն՝ առնվազն 1 տոկոսը։
Որպես լիբերտարիանցի՝ նա խոստանում է գործարկել Հարկային վարչություն և փոխել վաճառքից ազգային եկամտահարկը։
Լիբերտարիանական կուսակցությունն ԱՄՆ նախագահական ընտրություններին մասնակցում է 1972 թվականից, սակայն նրա թեկնածուները երբեք չեն հավաքել 1 տոկոսից ավելի։
Լիբերտարիանցիները հույս ունեն այս տարի ցուցաբերել լավագույն արդյունքը, քանի որ նախընտրական արշավի երկու ֆավորիտները՝ հանրապետական Դոնալդ Թրամփն ու դեմոկրատ Հիլարի Քլինթոնը, առանձնակի ժողովրդականություն չեն վայելում։
