General Motors ընկերությունը նախատեսում է Բելառուսում հիմնել ավտոմեքենաների հավաքման գործարան: Այդ մասին համաձայնագիրն, ըստ Բելառուսի պետական հեռուստատեսության, այսօր ստորագրվել է Բելառուսի վարչապետ Պյոտր Պրոկոպովիչի և Ռուսաստանում ու ԱՊՀ-ում ընկերության նախագահ ու տնօրեն Ջեյմս Բովենզի կողմից:
Կթողարկվեն Opel Corsa ավտոմեքենաներ, որոնք կվաճառվեն Բելառուսի, Ռուսաստանի, ինչպես նաև Ղազախստանի շուկաներում: Արտադրման ծավալը տարեկան կազմելու է 7 000 ավտոմեքենա: Ենթադրվում է, որ առաջին ավտոմեքենաները կսկեն վաճառվել 2014 թ. գարնանը:
Բելառուսում վերջին 20 տարվա ընթացքում բազմիցս միջոցներ են ձեռնարկվել թեթև մարդատար ավտոմեքենաների հավաքման ուղղությամբ: Հանրապետությունում, մասնավորապես, բացվել են Ford, Samand ավտոմեքենաների հավաքման գործարաններ, բայց բոլոր այդ նախագծերն անհաջողության են մատնվել։
