Ղրղըզստանում նոր դատավճիռ է կայացվել երկրի նախկին նախագահի եղբոր՝ Ահմատ Բակիևի նկատմամբ, որն անցած տարի փախուստ էր կատարել ազատազրկման վայրից: Բիշքեկի դատարանը, ինչպես հաղորդում է 24.kg-ն, նրան հեռակա կարգով դատապարտել է ազատազրկման, պատիժը պետք է կրի խիստ ռեժիմի բանտում:
Հիշեցնենք, որ Ահմատ Բակիևն ավելի վաղ իր պատիժը կրում էր գաղութ-բնակավայրում: 2012թ. սկզբին նրան ուղարկել են բուժման: Որոշ ժամանակ անց նախկին նախագահի եղբայրը լքել էր հիվանդանոցը, իսկ գաղութ այդպես էլ չէր վերադարձել: Դա գնահատվել էր որպես փախուստ ու նրա նկատմամբ հայտարարվել էր հետախուզում: Ղրղըզ իրավապահներն այդպես էլ չէին կարողացել նրան բռնել:
Կուրմանբեկ Բակիևի նախագահության ժամանակ նրա կրտսեր եղբորը՝ Ահմատին, համարում էին Ջալալաբադի մարզի «ստվերային նահանգապետ», իսկ պաշտոնապես նա զբաղեցնում էր տեղի խորհրդի պատգամավորի պաշտոնը:
2010թ. Ղրղըզստանի նախկին նախագահի ու նրա ազգականների դեմ քրեական գործեր հարուցվեցին:
Ահմատին նոր իշխանությունները մեղադրեցին զանգվածային անկարգությունների կազմակերպման, անօրինական եղանակով զենք պահելու ու այլ հանցագործությունների մեջ և 2011թ. դատապարտեցին 7 տարվա ազատազրկման:
