Վիրավոր զինծառայողների վերականգնողական բուժման մանրամասներին ծանոթանալու, բուժման հետագա ռազմավարությունը քննարկելու խորհրդատվություն տրամադրելու նպատակով Հայաստան են ժամանել Ֆրայբուրգի համալսարանական կլինիկայի առաջատար նեղ մասնագետներ, պրոֆեսորներ, վերականգնողական կլինիկայի ղեկավար, վիրաբույժ Մարտին Շվարցը և վնասվածքաբան-օրթոպեդ Քրիստիան Յաշկեն։
Պրոֆեսորները նշեցին, որ այս պահին որևէ վիրավորի արտերկիր տեղափոխելու անհրաժեշտություն չկա, ավելի արդյունավետ կլինի , որ դեռևս տեղում շարունակվեն վերականգնողական աշխատանքները։
Առողջապահության փոխնախարար Վահան Պողոսյանը նշեց, որ ամեն ինչ արվել է և արվելու է վիրավոր զինծառայողների բուժման համար, ինչ վերաբերում է ծանր վիրավոր զինծառայողների արտերկիր տեղափոխմանը, ապա փոխնախարարն ասաց. «Մենք փորձում ենք և Հայաստանի մասնագետներով և դրսի մասնագետներով լուծել յուրաքանչյուր հիվանդի, հետագա բուժման ամբողջ խնդիրները, որոշելու ենք ինչ բուժման տակտիկա անցկացվի այստեղ, թե դուրսը»։ Ինչ վերաբերում է գումարային հարցերին փոխնախարարը հորդորեց՝ չանհանգստանալ, բյուջեից է տրվելու։
Մանրամասները՝ տեսանյութում
