Համբուրած շուրթերի էֆեկտը նոր միտում չէ: Անցած տարի նույնպես այդպիսի դիմահարդարումն արդիական էր, այն հիմա նույնպես տարածված բյութի-միտում է: Այդ մասին հայտնում է spletnik.ru-ն:
Համբուրած շուրթերի էֆեկտով դիմահարդարման տեխնիկան օմբրեի նման է, բայց հակառակը՝ գույնն ավելի վառ է դառնում շուրթերի կենտրոնին մոտ, իսկ ծայրերին գրեթե աննկատ է, մի քիչ լղոզված:
Այդպիսի դիմահարդարման տարբերակներից է մատով մի քիչ շրթներկ կենտրոնին քսելը՝ այն դեպի ծայրեր տարածելով: Վերևից կարելի է մեկ կաթիլ փայլ ավելացնել:
Համբուրած շուրթերի էֆեկտ կարելի ստանալ նաև նման երանգների երկու շրթներկով: Ավելի բաց երանգը քսել ծայրերին, մուգը՝ կենտրոնում, գույները խառնել՝ մի քանի անգամ շուրթերը հպելով, ավել մասն անձեռոցիկով մաքրել:
Եվս մեկ տարբերակ է ոչ թե շրթներկ, այլ շուրթերի տինտ օգտագործելը, որը կտա ոչ վառ գույն:
