ԱՄՆ նախագահ Բարաք Օբաման Atlantic-ին տված հարցազրույցում պատմել է Ռուսաստանի նախագահ Վլադիմիր Պուտինի հետ իր հարաբերությունների մասին: Օբամայի խոսքերով` Պուտինն Ուկրաինայում գործել է այդ ձևով այն բանի համար, որ երկիրն աստիճանաբար դուրս է եկել Ռուսաստանի ազդեցության ոլորտից: «Նա ճիշտ նույն կերպ վարվել է նաև Սիրիայում, հսկայական ծախսերի գնով իր սեփական երկրի բարեկեցության համար»,- նշել է նա:
«Իրական իշխանությունը նշանակում է, որ դուք կարող եք ստանալ այն ինչ ուզում եք, առանց բռնություն հանդես բերելու անհրաժեշտության»,- ասել է ԱՄՆ նախագահը: Նրա կարծիքով՝ Ուկրաինան ԱՄՆ-ի համար առաջնահերթություն չի հանդիսանում, սակայն անդպիսին է Ռուսաստանի համար:
Օբաման ընդգծել է, որ Ռուսաստանի ղեկավարությունը շատ է ցանկանում, որ ԱՄՆ-ն ագրեսիվորեն պատասխանի ռուսական կողմի գործողություններին:
Լրագրող Ջեֆրի Գոլդբերգն Օբամային ասաց, որ իր մոտ ձևավորվել է Պուտինի կերպարը որպես դաժան և անդուր մարդու: Օբաման դրան պատասխանել է, որ Պուտինն իր հետ շփումում հարգալից է:
«Պուտինը մեր բոլոր հանդիպումների ժամանակ ընդգծված հարգալից է, շատ անկեղծ: Մեր հանդիպումներն անցնում են շատ գործնական: Նա երբեք ինձ չի ստիպում սպասել երկու ժամ, ինչպես նա դա անում է շատ մարդկանց հետ»,- նշել է նախագահը:
«Նա մշտապես հետաքրքրված է այն բանով, որ դիտարկվի որպես մեր գործընկեր և որպեսզի համատեղ աշխատենք, որովհետև նա այնքան էլ հիմար չէ»,- նշել է ԱՄՆ նախագահը:
Նրա խոսքերով՝ Ռուսաստանը գիտակցում է աշխարհում իր դերը և այն, որ ներկայումս դա «նշանակալիորեն նվազում է»: Օբաման ավելացրել է, որ նույնիսկ Ղրիմի միացումը և Սիրիայի նախագահ Բաշար Ասադին աջակցումը «նրան չեն դարձնում խաղացող»:
